ԱՂՎԱՆ ՎԱՐԴԱՆՅԱՆ (ԱԺ ՀՅԴ խմբակցության անդամ)
– Պարոն Վարդանյան, առաջիկայում G-20-ը կղեկավարի Թուրքիան։ Այն Թուրքիան, որն այսօր հայտնվել է աշխարհաքաղաքական անչափ բարենպաստ իրավիճակում, նրա համար կռիվ է գնում աշխարհի հզորների միջև: Ի՞նչ եք կարծում՝ ինչի՞ կհանգեցնի այդ ղեկավարումը, եթե հաշվի առնենք, որ Հայաստանը դառնում է ԵԱՏՄ անդամ, իսկ G-20-ից վիրավորված Վլադիմիր Պուտինն անում է ամեն ինչ, որ «գրավի» Թուրքիայի սիրտը։
– Սա ո՛չ առաջին, ո՛չ էլ երկրորդ օրն է, որ Ռուսաստանը փորձում է աշխատել Թուրքիայի հետ. որևէ արտառոց բան ես այդտեղ չեմ տեսնում։ Չեմ ակնկալում որևէ նոր բան նաև Թուրքիայի՝ G-20-ի ղեկավարման ժամանակահատվածում։ Մեր խնդիրը մեկն է. մենք պետք է կարողանանք մեր շահերը պաշտպանել և՛ միջազգային ասպարեզում, և՛ մեր ներսում, մնացածը իրենց շահերն են, իրենց անելիքներն են, ինչն էլ պետք է բնականոն համարել։
– ՀՅԴ-ն ինչպե՞ս է վերաբերվում այն հանգամանքին, որ նույն Վլադիմիր Պուտինը այնքան էր ցանկանում սիրաշահել Թուրքիո «սրտիկը», որ այնտեղ սկսել էր թուրքերեն խոսել։
Կարդացեք նաև
– Այդպիսի մոտեցումներ միշտ են լինում, Հայաստան այցելող պաշտոնյաները նույնպես սովորաբար օգտագործում են՝ «Բարև ձեզ, ինչպե՞ս եք», հայերեն ձևերը, ինչն ընդունված է միջազգային դիվանագիտական պրակտիկայում։ Եվ չեմ կարծում, որ Պուտինն ինչ-որ հատուկ իմաստ էր դրել իր ողջույնի մեջ, չեմ կարծում։
Կարմեն ԴԱՎԹՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
