Գազի սակագնի իջեցման հնարավորություն կա, թեկուզ քիչ, բայց կարելի է նվազեցնել: Նման տեսակետ հայտնեց Գազամատակարարման համակարգի գործունեությունն ուսումնասիրող ԱԺ ժամանակավոր հանձնաժողովի անդամ, ԱԺ տնտեսական հարցերի մշտական հանձնաժողովի փոխնախագահ Միքայել Մելքումյանը եւ նշեց, որ մատակարար ընկերության շահութաբերությունը 10% է, ծախսերի օպտիմալացման եւ այլ մի շարք հնարավորություններ կան:
«Միանշանակ, թեկուզ փոքր տոկոսով, բայց կարելի է գինն իջեցնել: Ռեզերվ կա, բայց թե ինչից դա պետք է ձեւավորվի, որ սպառողը չտուժի, բիզնեսն արդյունավետ լինի ու ընկերությունը չտուժի… Ինչո՞ւ պետք է քաղաքացուն էդ գնով հասներ գազը: Հազվադեպ է, որ սահմանին լինի մի գին, ու քաղաքացուն հասնի շատ ավելի թանկ»,- ասաց նա՝ հիշեցնելով, որ այսօր սահմանին ընկերությունը գնում է գազի 1000 խմ-ն 189 դոլարով, քաղաքացուն վաճառում՝ 393 դոլարով:
Գ. ԽԱՉԱՏՐՅԱՆ
Հոդվածն ամբողջությամբ կարող եք կարդալ «168 ժամ» թերթի այսօրվա համարում
