Քիչ առաջ լրագրողների հետ զրույցում ԱԺ նախագահ Գալուստ Սահակյանն ասաց, որ Արամ Մանուկյանի միջադեպի հետ կապված ինքը հայտարարության տեքստ է պատրաստել եւ առաջարկելու է քաղաքական ուժերին միանալ այդ հայտարարությանը: Նա ասաց, որ թույլ չի տա այդ հարցը քաղաքականացնել եւ միտինգային երեւույթներով շարժվել:
Նրա խոսքերով՝ «Դա ոչ թե բոյկոտ է, այլ ԱԺ աշխատանքների ձախողում՝ ընդդիմադիրի նոր որակներ հասարակությանը հաղորդելու համար: Օրենսդրությունը, օրենքը, Սահմանադրությունը երբեք չի կարող ԱԺ նիստը դադարեցնել, այդ մասին իրենք այսօր չեն խոսում, պարզապես պահանջում են արտահերթ նիստ, որպեսզի կուշտ միտինգ անեն եւ խոսեն»:
Aravot.am-ի դիտարկմանը, որ խմբակցությունների ղեկավարների հետ Դուք դեմ չեք եղել արտահերթ նիստ հրավիրելուն՝ նա պատասխանեց, որ հիմա էլ դեմ չէ. «Դեմ եմ, որ դարձնենք ԱԺ-ն շուկա եւ ամեն մի քաղաքական ուժ փորձի իր մաղձը հասարակությանը ներկայացնի՝ մոռանալով, թե ինչի համար են հավաքվել: Դրա համար կողմնակից եմ, որ նախ տեքստը համաձայնեցնենք բոլոր ուժերի հետ, արտահերթ նիստին տեքստը կարդում ենք եւ քվեարկում ենք: Դրանով լինում է ԱԺ որոշում»:
Նա ասաց, որ մենք Հոկտեմբերի 27, Մարտի 1 ենք ունեցել, բայց արտահերթ նիստ չենք հրավիրել. «Առավել մեծ ցավերով ենք տառապել օրեր շարունակ, բայց երբեք նման խնդիր չի առաջացել, որ հայտարարություն անենք եւ ամեն ինչ լավ կլինի»:
Կարդացեք նաև
Հռիփսիմե ՋԵԲԵՋՅԱՆ
