«2015-ին հարաբերական առումով` 0.6 տոկոսով նվազելու է կառավարության պարտքը»,-այսօր ՀՀ ԱԺ-ում հայտարարեց ՀՀ ֆինանսների փոխնախարար Պավել Սաֆարյանը:
Սակայն նա նաև նշեց, որ աճելու է Կենտրոնական բանկի և ՀՀ ներքին պարտքը: Նա մասնավորապես ասաց. «2015-ին արտաքին պարտքը 35.6-ից դառնալու է 35.2 տոկոս: Ճիշտ է, օգտագործելու ենք վարկեր, սակայն մեր պարտքը հարաբերականորեն նվազելու է 0.6 տոկոսով: Սակայն միայն կառավարության պարտքը` հարաբերական առումով: Դրա դիմաց փոքր-ինչ մեծանալու է Կենտրոնական բանկի պարտքը` 4 տոկոսից դառնալով 4.2 տոկոս և ներքին պարտքը` 2014-ի 6.6 տոկոսից դառնալով 7.2 տոկոս»: Ամփոփելով պարոն Սաֆարյանը նշեց. «Քանակական տեսակետից մեր արտաքին պարտքը գտնվում է ընդունելի միջակայքում և ռիսկային բնույթ չունի»:
Տաթև ՀԱՐՈՒԹՅՈՒՆՅԱՆ
