«Ամուլսարը լուրջ առողջապահական, բնապահպանական, տնտեսական վտանգ առաջացնող ծրագիր է»,-այսօր «Անալիտիկ» ակումբում ասաց Համահայկական բնապահպանական ճակատի անդամ Լեւոն Գալստյանը: Նա անդրադառնալով Ամուլսարի նախագծի վտանգներին` ասաց, որ կա 3 լուրջ վտանգ. «Առաջին` ինչ է լինելու Որոտանի եւ Արփա գետերի ջրհավաք ավազանի հետ, ավազանի ջրի քիմիական կազմը փոխելու է թե՝ ոչ:
Այդ հանքավայրի կողքին Որոտան-Արփա թունելը ո՞վ է գնահատել, թե ինչ կլինի թունելի տեխնիկական վիճակի հետ, եթե նրանից ընդամենը 500 մետրից մինչեւ 1 կմ. հեռավորության վրա լինելու են տարեկան հազարավոր պայթեցումներ: Թունելով անցնող ջուրը, որը թափվում է Սեւանա լիճ կփոխի՞ քիմիական կազմը թե՝ ոչ: Եվ վերջինը, եթե նատրիումի ցիանիդով կատարում են ոսկու կորզում: Թող վերցնեն վերջին 25 տարում քանի՞ վթար եւ այլ դեպքեր են եղել տարբեր երկրներում կապված նատրիումի ցիանիդի օգտագործման հետ»:
Ըստ պարոն Գալստյանի նախագծի տակ ստորագրել են 2 փորձագետ, մեկը բնապահպանության փորձագիտության ՊՈԱԿ-ի տնօրենը, մյուսը՝ բնապահպանության նախարարը. «Եւ ոչ թե տնտեսական, բնապահպանական, էկոլոգիական որոշում կայացվեց, այլ քաղաքական որոշում»:
Խոսելով հանքավայրերի շահագործման վտանգների մասին Լեւոն Գալստյանը օրինակ բերեց Սյունիքի մարզի հողը, ջուրը, որն, ըստ նրա, ամբողջությամբ աղտոտված է ծանր մետաղներով եւ այդ ամենը անցել է մարդկանց օրգանիզմ: Խնդրին լուծում տալու համար պարոն Գալստյանը առաջարկում է. «Հիվանդը եթե վիրահատության կարիք ունի ֆիզիոթերապիա չանեն»:
Կարդացեք նաև
Մանրամասները` տեսանյութում
Լեւոն Գալստյանն ասաց, որ Հայաստանը ունի 25 մետաղական հանքավայր, որոնք շահագործման իրավունք արդեն ունեն, իսկ 70-ից ավել էլ երկրաբանական հետախուզման փուլում են, որը թույլատրել է կառավարությունը` էներգետիկայի եւ բնական պաշարների նախարարության հետ միասին. «Կարծում են, որ Հայաստանում կարելի է 100 հանքավայր շահագործել եւ այդ պոչամբարները լցնել եւ ամբողջ տարածքով մեկ տարածել առանց որեւէ խնդրի»,-ասաց բնապահպանը:
Անուշ ՄԱԹԵՎՈՍՅԱՆ
