Եվրոպայի հարցերով Մեծ Բրիտանիայի նախարար Դեյվիդ Լիդինգթոնի կարծիքով, խոսքի ազատության հարցում Հայաստանում զարգացումներ են նկատվում:
«Խոսքի ազատության առումով դրական զարգացումներ են տեղի ունենում Հայաստանում, Վրաստանում, Մոլդովայում, Ուկրաինայում և Ղրղըզստանում, որոնք մասամբ ազատ երկրներ են, սակայն պետք է ավելի շատ ջանք ներդնել», – մարդու իրավունքների պաշտպանության օրվա կապակցությամբ իր բլոգում գրել է նախարարը:
Մեկնաբանելով Ադրբեջանում տիրող իրավիճակը՝ Լիդինգթոնն անդրադարձել է աղմկահարույց վերջին դեպքին՝ «Ազատություն» ռադիոկայանի լրագրող Խադիջա Իսմայլովայի նկատմամբ հետապնդումներին, որին ինքնասպանության դրդման մեղադրանքով կալանավորել են 2 ամսով:
«Անցած ամիս ես այցելել եմ Ադրբեջան, որտեղ դեռևս ճնշվում են մամուլի և ազատ արտահայտման իրավունքները: Խադիջա Իսմայլովայի գործը լրագրողների նկատմամբ սիստեմատիկ հետապնդումների շարունակությունն է», – նշել է բրիտանացին, բայց ավելացրել, որ Ադրբեջանը միակ երկիրը չէ, որը «քայքայում» է լրատվամիջոցների ազատությունը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
