ԱՄՆ պետդեպարտամենտի մամուլի խոսնակ Ջեն Պսակին անդրադարձել է ադրբեջանցի լրագրող Խադիջա Իսմայլովային կալանավորելու գործին՝ Ադրբեջանի իշխանություններին մեղադրելով իր իսկ ստանձնած պարտավորությունները խախտելու մեջ:
«Մենք խորապես մտահոգված ենք Ադրբեջանում քաղաքացիական հասարակության ակտիվիստների, այդ թվում՝ լրագրողների նկատմամբ աճող սահմանափակումներով: Մենք խիստ մտահոգված ենք, որ Խադիջա Իսմայլովան կալանավորվել է մինչև դատական գործընթացը: Մենք չափազանց անհանգիստ ենք, որ իշխանությունները չեն կատարում իրենց պարտավորությունները մարդու իրավունքների պաշտպանության ոլորտում: Մենք Ադրբեջանի իշխանություններին կոչ ենք անում հարգել իրենց քաղաքացիների հիմնարար իրավունքները և թույլ տալ, որ նրանք ազատ արտահայտեն իրենց տեսակետները», – ասել է Պսակին դեկտեմբերի 10-ին մամուլի ասուլիսի ժամանակ՝ կարծիք հայտնելով, որ Ադրբեջանն իր կայունությունն ավելի լավ կպահպանի, եթե ավելի ազատ հասարակություն ստեղծի:
Խոսնակը նաև վստահեցրել է, որ Բաքվի հետ շփումների ժամանակ, իրենք բարձրացնում են մամուլի ազատության և քաղաքացիական հասարակության նկատմամբ ճնշման հարցերը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
