ՀՀ քաղաքացիներին կոռուպցիայի դեմ պայքարի դրդելու համար մի քանի օր է՝ Երեւանի շենք-շինությունների պատերին դաջված է «կոռուպցիա» բառի բուն իմաստը, որը հուշում է, թե որքան վատ բան է կոռուպցիան: Լատիներենից թարգմանաբար կոռուպցիան նշանակում է փչացում, այլասերում, պղծում, ապականում, քայքայում: Այս գրառումը, հավանաբար, հայտնվել է Կոռուպցիայի դեմ պայքարի միջազգային օրվա առիթով, որն ամբողջ աշխարհը նշեց երեկ՝ դեկտեմբերի 9-ին: Ըստ «Թրանսփարենսի ինթերնեշնլ» հակակոռուպցիոն կազմակերպության՝ մեր երկրում կոռուպցիայի խորքային պատճառներից են քաղաքական եւ տնտեսական վերնախավերի սերտաճումն ու տնտեսության եւ քաղաքականության մոնոպոլիզացվածությունը:
Լուսանկարները՝ ԼՈՒՍԻՆԵ ԲՈՒԴԱՂՅԱՆԻ
«Առավոտ» օրաթերթ
10.12.2014
