«Ես ոչ մեկի ընկալումները մեկնաբանելու անհրաժեշտություն չեմ տեսնում»,-Aravot.am-ի հարցին` այն, որ «Ժառանգությունն» սկսել է առանձին հանրային քննարկումներ անցկացնել, դա վկայու՞մ է այն մասին, որ «Ժառանգությունը» եռյակից պոկվելու փորձեր է անում, այսպես պատասխանեց ՀԱԿ խմբակցության ղեկավար Լևոն Զուրաբյանը:
Հիշեցնենք, որ «Ժառանգություն» կուսակցության առաջնորդ Րաֆֆի Հովհանիսյանը վերջին օրերին Երևանում և ՀՀ մարզերում նախաձեռնել էր հրապարակային հանդիպումներ: Այս փաստը իշխանական դաշտից շատերը մեկնաբանում են որպես եռյակի պառակտման նախադրյալ, թեև «Ժառանգություն» կուսակցության փոխնախագահ Արմեն Մարտիրոսյանը ժխտել էր այդ կարծիքները:
Լևոն Զուրաբյանը մեզ հետ զրույցում հավաստիացրեց, որ եռյակը գործում է և պառակտման որևէ հարց չկա:
Տաթև ՀԱՐՈՒԹՅՈՒՆՅԱՆ
