Այսօր լրագրողների հետ զրույցում հարցին՝ 2015-ին հնարավոր է ՌԴ-ն դուրս գա ԵԽԽՎ-ից, սա կարո՞ղ է ազդեցություն ունենալ Հայաստանի վրա, ճնշումներ լինեն ՌԴ-ի կողմից՝ պատգամավոր Ալեքսանդր Արզումանյանը պատասխանեց. «Դա դեռեւս խոսվում է պետդումայի մակարդակով, իսկ դումայում այնպիսի առաջարկներ են լինում զավեշտական, որ կարող է սա հերթական զավեշտներից մեկը լինի: Նման քննարկումներ գուցե լինեն»:
Նա ասաց, որ մեր խորհրդարանում էլ կան մարդիկ, որոնք կբարձրաձայնեն այդ մասին. «Բայց չեմ կարծում, որ դա լուրջ հետեւանքներ ունենա: Մենք այդ ճանապարհն ընտրել ենք 91-ին եւ հստակորեն քայլ առ քայլ գնում ենք»:
Հռիփսիմե ՋԵԲԵՋՅԱՆ
