Այսօր ԱԺ մարդու իրավունքների պաշտպանության եւ հանրային հարցերի մշտական հանձնաժողովը Հայաստանի կողմից ԵԽԽՎ-ի «Քաղաքական բանտարկյալի սահմանումը» 1900 բանաձեւի կատարման վերաբերյալ խորհրդարանական լսումներ էր կազմակերպվել: Հանձնաժողովի նախագահ Էլինար Վարդանյանն ասաց, որ լսումներին հրավիրել են նաեւ դատախազության ներկայացուցիչներին: Սակայն նրանք տարօրինակ պատասխան են տվել պատգամավորներին եւ մերժելով մասնակցել՝ ասել են, թե դուք չեք կարող մեզ նման քննարկումների հրավիրել:
Հանձնաժողովի անդամ Ալեքսանդր Արզումանյանն ասաց, որ դատախազությունը ոչ միայն անտեսում է իրենց հանձնաժողովի կողմից ուղարկված տարբեր բողոքները, այլեւս խուսափում է բաց ճակատով գալ եւ խոսել առկա խնդիրների մասին: Ըստ պարոն Արզումանյանի, քաղբանտարկյալների գործերի 95 տոկոս պատժամիջոցները տվել է դատախազությունը եւ դատախազությունն էլ մշտապես հերքել է քաղբանտարկյալների առկայությունը:
Ալեքսանդր Արզումանյանն իր զեկույցում նշեց, որ երբ ասում են Հայաստանում կան քաղբանտարկյալներ, ասվում է, թե Ադրբեջանի եւ Հայաստանի միջեւ սար ու ձորի տարբերություն կա: Այո, բայց եթե կա նաեւ ցեղախումբ, որը մարդ է ուտում, դա չի նշանակում, որ մենք պիտի մարդ ուտենք եւ ասենք, թե մենք տարեկան 1 հոգու ենք ուտում: Ամոթ է երկրի համար 21-րդ դարում ունենալ քաղբանտարկյալ»:
Կարդացեք նաև
Հռիփսիմե ՋԵԲԵՋՅԱՆ
