Ռուսաստանի «Գազպրոմ» պետական ընկերությունը դեպի Թուրքիա գազատար կառուցելու համար նոր ընկերություն կհիմնի, այս մասին հայտնել է «Գազպրոմ»-ի մամուլի խոսնակ Սերգեյ Կուպրիանովը, փոխանցում է «Թըդեյս Զաման» -ը:
«Ընկերությունը կգրանցվի Սանկտ Պետերբուրգում… այն կկոչվի «Գազպրոմ Ռուսակայա»», – հայտնել է Կուպրիանովը:
Անցած շաբաթ Թուրքիա կատարած այցի ժամանակ ՌԴ նախագահ Վլադիմիր Պուտինը հայտնել էր «Հարավային հոսք» գազատարի նախագծի դադարեցման մասին և տեղեկացրել, որ իրենք մտադիր են Եվրոպային գազ մատակարարելու համար Թուրքիայի և Հունաստանի սահմանով անցնող խողովակաշար կառուցել:
Բուլղարիայի վարչապետ Բորիս Բոյկոն, որի երկրով պետք է անցներ «Հարավային հոսք»-ը, հայտնել է, որ իրենք կշարունակեն պահանջել, որ գազատարը Բուլղարիայով անցնի:
Կարդացեք նաև
Պատրաստեց Հովհաննես ԻՇԽԱՆՅԱՆԸ
