Օրերս ԶԼՄ-ներում տարածվեց հայտարարություն, որում մասնավորապես ասվում էր.
«Ազգայնական «Հայազն» կուսակցության վարչության անդամ Արմեն Հովհաննիսյանը` ԵՄ դրոշով ակցիային մասնակցելու առաջարկությամբ հանդես գալու համար՝ լրագրող, հասարակական ակտիվիստ Գայանե Առուստամյանի հասցեին նախ սեռական բռնության սպառնալիք և հայհոյանքներ է հնչեցրել, այնուհետև տեղից վեր է կացել և հարձակվել նրա վրա: Գայանե Առուստամյանը հարկադրված է եղել դիմելու ինքնապաշտպանության, իսկ Արմեն Հովհաննիսյանը և նրա կուսակիցները դուրս են հրավիրվել տարածքից»։
«Հայազն» կուսակցության վարչությունը համակողմանի ուսումնասիրելով միջադեպը, հայտարարում է, որ կուսակցության անդամ Արմեն Հովհաննիսյանի մասնակցությամբ տեղի ունեցածի մասին հայտարարությունը չի համապատասխանում իրականությանը:
Մասնավորապես վեճն առաջացել է ոչ թե ԵՄ, այլ ԼԳՏԲ դրոշի մասին առաջարկությունից հետո, որին հաջորդել են Առուստամյանի վիրավորանքները: Այնուհետև Առուստամյանն ինքն է ֆիզիկական հարձակման ենթարկել Արմեն Հովհաննիսյանին: Վարչությունը հանդիպել է նաև ներկաներից շատերին, վերլուծել իրավիճակն ու որոշել.
Հայտարարության նախաձեռնողի ու հայտարարության տակ ստորագրող կազմակերպությունների ու անհատների գործունեությունն իրավական առումով կարելի է բնութագրել միմիայն որպես զրպարտություն: Պատահական չէ, որ սույն հավաքի 14 մասնակիցներից և ոչ մեկը չի միացել Գայանե Առուստամյանի նախաձեռնած ստորագրահավաքին:
Կարդացեք նաև
Ուստի, «Հայազն» կուսակցության իրավաբանները զրպարտության մեղադրանքով քաղաքացիական հայց են պատրաստում՝ ընդդեմ Գայանե Առուստամյանի ու մյուս ստորագրողների:
«Հայազն» կուսակցության վարչություն
