Այսօր ՀՀ ԱԺ-ում Հայ-ռուսական բարեկամական խորհրդարանական ակումբում հերթական նիստն է՝ «Հայաստանի անդամակցումը ԵՏՄ-ին. արձագանքը համաշխարհային մարտահրավերներին» թեմայով: Նաեւ նշվում է ակումբի հիմնադրման մեկ տարին:
Նիստի աշխատանքներն ընթանում են դարձյալ ռուսերենով եւ չկա հայերեն թարգմանություն: Ռուսերեն են խոսում նիստին մասնակցող ՀՀԿ-ական պատգամավորներ Վարդան Այվազյանը, Արտակ Զաքարյանը, Արտակ Դավթյանը, նիստը վարող Արամ Սաֆարյանը՝ «Ինտեգրացիա եւ զարգացում» հետազոտական, վերլուծական կազմակերպության նախագահ:
Կարդացեք նաև
Հիշեցնենք, որ ՀՀ-ում պետական լեզուն հայերենն է եւ պաշտոնական հանդիպումները գոնե պետք է անցկացվեն մեր մայրենի լեզվով: Իրենց ապահովագրելու համար ակումբի կազմակերպիչները հայտարարեցին, թե ժամանակի սղության համար չեն թարգմանում հայերեն:
Նիստի սկզբում հայկական կողմն ուրախությամբ ռուս պաշտոնյաներին պատմում էին, թե ինչպիսի քվեարկություն է եղել դեկտեմբերի 4-ին ՀՀ ԱԺ-ում՝ ԵՏՄ անդամակցության հարցի հետ կապված՝ 103 կողմ, ընդամենը 7 դեմ եւ 1 ձեռնպահ: Արամ Սաֆարյանը վստահեցրեց, որ պառլամենտը մեր հասարակության հայելին է, եւ եթե Հայաստանի խորհրդարանն այդպես է քվեարկել, նշանակում է՝ հայ հասարակությունն այդպես է մտածում:
Հռիփսիմե ՋԵԲԵՋՅԱՆ
