Սույն թվականի դեկտեմբերի 4-5-ը Սանկտ Պետերբուրգում տեղի ունեցավ «Եվրասիական տնտեսական ընկերության զարգացման հեռանկարները» I միջազգային գիտաժողովը, որի կազմակերպիչն էր քաղաքապետարանը:
Համաժողովին ներկա էր ավելի քան 150 փորձագետ, որոնց թվում էին ներկայացուցիչներ Եվրասիական ինտեգրման գործընթացի մասնակից պետությունների դաշնային և տարածաշրջանային իշխանություններից, գործարար համայնքից, հասարակական կազմակերպություններից, բարձրագույն ուսումնական հաստատություններից և արդյունաբերական ձեռնարկություններից:
Եվրասիական տնտեսական ընկերությունը (ԵվրԱզԷՍ) միջազգային ինտեգրացիոն տնտեսական կազմակերպություն է, որի ստեղծման պայմանագիրը ԵվրԱզԷՍ Մաքսային միության հիման վրա ստորագրվել էր 2014 թ. մայիսի 29-ին և ուժի մեջ մտել 2015 թ. հունվարի 1-ից: Ընկերության կազմում են Ռուսաստանը, Ղազախստանը, Բելառուսը և Հայաստանը: Մինչև 2014 թվականի ավարտը ԵվրԱզԷՍ-ին մտադիր է միանալ Ղրղըզստանը, ինչպես նաև կազմակերպությանը միանալու մտադրություն ունի Տաջիկստանը: Նոր ընկերության նպատակն է անդամ պետությունների տնտեսության ամրապնդումը և դրանց համակցումը միմյանց հետ արդիականացման և համաշխարհային շուկայում մրցունակության կատարելագործման համար:
Համաժողովը, որը տեղի ունեցավ «Club House» բիզնես կենտրոնում, սկսվեց ՌԴ Դաշնային ժողովի Դաշնության խորհրդի, ԱՊՀ մասնակից պետությունների միջխորհրդարանական վեհաժողովի խորհրդի և Սանկտ Պետերբուրգի նահանգապետ Գեորգի Պոլտավչենկոյի ողջույնի խոսքով:
Կարդացեք նաև
Այնուհետ գիտաժողովի ծրագրում էր լիագումար նիստը, առաջատար գիտնական-տնտեսագետների ու քաղաքագետների ելույթները, ինչպես նաև մի քանի «կլոր սեղաններ» տարբեր թեմաներով՝ «Եվրասիական տնտեսական ընկերության անդամ պետությունների ձեռնարկությունների բիզնեսի և գիտաարդյունաբերական համագործակցության մեխանիզմների և անցկացման պայմանների ստեղծումը», «Անվտանգության ապահովումը Եվրասիական տնտեսական ընկերությունում», «Մաքսային կարգավորումը Եվրասիական տնտեսական ընկերության շրջանակներում» և «Եվրասիական տնտեսական ընկերության անդամ պետությունների ազգային օրենսդրության միավորման գործընթացը ԵվրԱզԷՍ-ի տարածքում»:
Եվրասիական տարածաշրջանում ինտեգրման գործընթացի զարգացման հետ կապված հարցերի մանրամասն քննարկումը նման բարձր պրոֆեսիոնալ մակարդակի վրա հատկապես կարևոր է Եվրասիական տնտեսական միության մասին պայմանագրի ուժի մեջ մտնելու նախօրեին: Սանկտ Պետերբուրգում կայացած գիտաժողովը հիանալի հնարավորություն էր ԵվրԱզԷՍ-ի նախագծի զարգացման և մշակման վերջնական փուլի արդյունքների ամփոփման համար:
Համաժողովի մասնակիցների համար կազմակերպվել էին շրջայց Սանկտ Պետերբուրգի տեսարժան վայրերով և այցելություններ քաղաքի առաջատար թանգարաններ:
