ՀՅԴ բյուրոյի պաշտոնակն կայքում հրապարակված է «Ազդակի» խմբագրականը. Սպիտակն ու Գիւմրին հարուածած երկրաշարժէն 26 տարի ետք հարցումը կը մնայ հրամայական: Աղէտի գօտին վերածուա՞ծ է զարգացման գօտիի: Անշուշտ կարելի չէ անտեսել այն ճիգերը, որոնք պետական եւ հասարակական մակարդակներու վրայ անցնող քսանամեակին տարուեցան` այս գօտին դուրս բերելու իր վիճակէն: Բնակարաններու շինարարութենէն, ճանապարհաշինութենէն մինչեւ ենթակառուցային ծրագիրներու իրականացում, կարելի է ըսել, շրջանը որ դիմափոխուած է:
Յատկապէս Գիւմրին, իբրեւ երկրորդ կարեւորագոյն քաղաք, քաղաքաշինութեան համապետական ծրագիրներուն մաս կը կազմէ: Հայաստանի Հանրապետութեան երեւանակեդրոնութիւնը կամ Երեւանէն դուրս, մնացեալ քաղաքներու եւ գիւղերու ոչ համաչափ զարգացման միտումներու գործընթացը շրջելու համար, առաջին աշխատանքային վայրը Գիւմրին կարելի է նկատել:
Անշուշտ աշխատանքները բաւարար չեն եւ ակնկալուած արդիւնքը տակաւին չ՛երեւիր այս իմաստով: Երեւանակեդրոնութիւնն ու քաղաքներու անհամաչափ զարգացումը միայն Գիւմրիին կամ առհասարակ աղէտի գօտիէն զարգացման գօտիի անցումի խնդիրը չէ: Համապետական խնդիր է այս մէկը, մանաւանդ, երբ նկատի կ՛ունենաք անոր ժողովրդագրական անվտանգութեան երեսը:
Աղքատութեան յաղթահարման ծրագիրներու ոչ արդիւնաւէտ աշխատիլը հիմնական խոչընդոտ է ոչ միայն Գիւմրիի ու Սպիտակի, այլ նաեւ ամբողջ հանրապետութեան ոչ ակնկալուած չափերով զարգացման ցուցանիշերու արձանագրութիւնը:
Կարդացեք նաև
Մարդոց յիշողութեան մէջ երկար քանդակուած պիտի մնայ կիսափուլ հրապարակային ժամացոյցի երկրաշարժի ճիշդ ժամը սահմանող եւ այնպէս ալ մնացած սլաքները: Այդ օրէն ասդին այդ սլաքները որքա՞ն ժամանակի ճշգրտութեամբ շարունակած են իրենց անընդմէջ երթը, դժուար է չափելը: Դժուար չէ սակայն համոզուիլը, որ ժամանակի կշռոյթով չէ աշխատած երկրաշարժի ժամուն կանգ առած ժամացոյցը: Վերը նշուած պատճառներով, մէկ կարեւոր մասով:
Մնացեալ մասը անպայման մեր հանրապետութեան շրջափակումն ու հակառակորդներու կողմէ մեր երկրին դէմ յայտարարուած տնտեսական պատերազմը չէ: Թէեւ է՛, մէկ կարեւոր մասով:
Գիւմրին Հայաստանի Հանրապետութեան ռազմավարական յատուկ գործընկերոջ` Ռուսիոյ դաշնութեան համար կը նկատուի զինուորակայան: Ռուսական ռազմակայանի այնտեղ կեցութեան համաձայնագիրի վերանորոգումը երկարատեւ կտրուածքով, ռուսական ջոկատներու նոր տեղակայումները եւ զինուժի նորագոյն արտադրութիւններու Գիւմրիի մէջ յայտնուիլը կը համոզեն, քաղաքին կամ առհասարակ տարածքին ներկայացուցած ռազմական եւ ռազմավարական կարեւորութիւնը:
Հրապարակումն ամբողջությամբ՝ սկզբնաղբյուր կայքում:
Յարգելի՛ բարեկամներ,
Ինչո՞ւ կը թուագրէք ամերիկեան ոճով՝ դեկտեմբեր 7, 2014 և ո՛չ հայկական ոճով՝ 7 դեկտեմբեր 2014: Այնքա՞ն տարուած էք ամերիկեան «արժէքներով» Կարելի չէ՞ գէթ Հայաստանի հողին վրայ հայու պէս գրել ու մտածել:
Հարգելի պարոն Եղիայեան, այս հոդվածը, ինչպես նկատեցիք, վերատպված է «Ազդակ» օրաթերթից, որը հրապարակվում է Լիբանանում, այլ ոչ Հայաստանում: Մենք, բնականաբար, որեւէ իրավունք չէինք կարող վերապահել մեզ՝ խմբագրել որեւէ այլ օրաթերթում գրվածը, որից մի հատված ընդամենը ներկայացնում ենք մեր ընթերցողին՝ համապատասխան հղումով: Այնպես որ՝ ամերիկյան արժեքներով տարված լինել-չլինելու հարց, համաձայնեք, չկա: Շնորհակալություն:
Դեկտեմբեր 7, 2014 at 19:09
Յարգելի՛ օրիորդ Մելաննիա,
Ես յօդոաւծի բովանդակութեան չեմ ակնարկեր, այլ միայն թուագրումի ոճին՝ դեկտեմբեր 7, 2014 որ առկայ է Ձեր անունին տակ ևս, հէնց այսեղ, Ձեր պատասխանի մէջ: Ինչո՞ւ չէք գրեր 7 դեկտեմբեր 2014՝ ա՛յս է իմ հարցումս: Շնորհակալութիւն Ձեր պատասխանի համար:
Հարգելի պարոն Եղիայեան, հիմա հասկացա ինչ նկատի ունեք: Ցավոք, դա ծրագրային եւ տեխնիկական խնդիր է, եւ, որքանով տեղյակ եմ, բավականին ժամանակատար եւ բարդ է փոխելը: Բայց՝ կփորձենք: Շնորհակալություն դիտողության համար: