Այսօր, ըստ կանխատեսումների, Ռուսաստանի բանկերում դոլարի պաշտոնական փոխարժեքը հատելու է 53 ռուբլին: ՌԴ վերլուծաբանները սա կապում են նավթի գնի նոր անկման հետ՝ դեկտեմբերի 4-ին WTI տեսակի բարելի գինն իջավ մինչեւ 66,8 դոլար:
Նավթի շուկայի գիտակները կանխատեսում են, որ Սաուդյան Արաբիան շարունակելու է իջեցնել նավթի գները՝ այն հասցնելով 60-ի, իսկ ըստ որոշ վերլուծաբանների՝ նույնիսկ 50 դոլարի: Ռուսաստանում սա ամենածայրահեղ բացասական սպասումներն է առաջացնում, եւ ռուսական կապիտալի մասնակցությամբ երկրներից կապիտալի մեծ արտահոսք է սպասվում: ԿԲ-ն անզոր է փոխելու իրավիճակը կամ էլ չի հանդգնում ավելի արդյունավետ գործիքներ կիրառել՝ երկրից դոլարի արտահոսքը կանգնեցնելու համար: Հայաստանի գործարար շրջանակներում այս օրերին անընդհատ խոսվում է այն մասին, որ Հայաստանից մեծ քանակությամբ տարադրամ է արտահանվում, հիմնականում ռուսական ընկերությունների միջոցով: «Ֆիզիկական անձինք էլ են արտահանում, ովքեր մեծ գումարներ ունեն,- ասաց բանկային ոլորտին մոտ մեր զրուցակիցը:- Ենթադրում եմ, որ կտանեն նրանք, ովքեր մեծ փողեր ունեն՝ փոխանցումների ճանապարհով կարտահանեն: Հաշիվների միջոցով փոխանցում են: Իսկ անպաշտպան ենք, քանի որ մեր տնտեսությունը զրոյական է: Կապիտալի արտահոսքը կազմակերպությունների եւ անձանց միջոցով այս պայմաններում հնարավոր է, որ լինի, իսկ թե ինչ տեսքով է դուրս բերվում կապիտալը՝ կանխիկ թե անկանխիկ, տարբերություն չկա: Սա կապիտալի փախուստ կարելի է անվանել»:
Սյուզան ՍԻՄՈՆՅԱՆ
Հրապարակումն ամբողջությամբ՝ «Հրապարակ» թերթի այսօրվա համարում:
.Առաջ, Հայաստանից:Ահա գաղափարական հերոս ազգի միակ ճանապարհը:Քիչ ժամանակ կա, առաջ…Փողն ու աշխարհի արահետները ձեզ, հանճարներ, միայն թե առաջ…Ակն ընդ ական, հայեր ջան, առաջ…Էս հողը մեղք է, հոգնել է, առաջ…