Freedom House իրավապաշտպան կազմակերպությունը, որի կենտրոնակայանը գտնվում է Միացյալ Նահանգներում, հրապարակել է «Համացանցի ազատությունը 2014 թվականին» զեկույցը, որում Հայաստանը դասվել է համացանցի ազատություն ապահոված երկրների շարքը։
Որքան քիչ են միավորները՝ այնքան ավելի ազատ է երկիրը։ Freedom House-ը սահմանել է երեք կատեգորիա` «ազատ երկրներ», որոնք ստանում են 0-ից մինչև 30 միավոր, 31-ից մինչև 60 միավորով «մասամբ ազատ» երկրներ և «ոչ ազատ» երկրներ` 61-ից մինչև 100 միավորով։
Ըստ Freedom House-ի՝ համացանցի ազատության հարցում չորս տարի շարունակ ծայրահեղ վատթարացում է նկատվում Ռուսաստանում, Ուկրաինայում և Թուրքիայում։
Համացանցի ազատության առումով ամենածանր վիճակը Սիրիայում է, Իրանում և Չինաստանում։
Իրավապաշտպան կազմակերպության զեկույցն ընդգրկում է 65 երկիր և ներառում է 2013 թվականի մայիսից 2014-ի մայիս ժամանակահատվածը։ Ըստ զեկույցի՝ 65 երկրներից 36-ում այդ ընթացքում բացասական միտում է գրանցվել։
Արմեն Քոլոյան
Նյութի մանրամասները կարդացեք «Ազատություն» ռադիոկայանի կայքում
