Դատավոր Ռուբիկ Ափինյանի նախագահությամբ Կենտրոն եւ Նորք-Մարաշ վարչական շրջանի ընդհանուր իրավասության դատարանում այսօր տեղի ունեցավ նախնական դատական նիստ՝ ընդդեմ «Առավոտի»:
Հայցվորը «Աֆինա» գիշերային ակումբի վարձակալ Սոկրատ Գրիգորյանն է, որը վիրավորանքի եւ զրպարտության, գործարար համբավը արատավորելու հայցով դիմել էր դատարան:
Գիշերային ակումբի ներկայացուցիչն էր Փաստաբանների պալատի անդամ Վարդան Զուռնաչյանը, իսկ «Առավոտի» ներկայացուցիչը՝ Փաստաբանների պալատի անդամ Լուսինե Մարտիրոսյանը:
Վիճարկվում է «Առավոտի» առաջին էջում հրապարակված «Գետնանցում մոթել» եւ «Առավոտ» թերթի «Գետնանցումը նաեւ մարմնավաճառների աշխատավայր» հրապարակման մեջ արտահայտությունները:
Կարդացեք նաև
Կողմը վիրավորվել է հրապարակման մեջ նշված վարձակալին ուղղված այն արտահայտությունից, թե նա ունի սեքսապաթոլոգի եւ տնտեսագետի գիտելիքներ: Ապացուցման բեռը դատարանը դրեց կողմի վրա:
Ի դեպ, տեղեկացնենք, որ հաջորդ տարվա մարտի 21-ին դատական նիստին հրավիրվելու է նաեւ հրապարակման հեղինակ լրագրողը (Նելլի Բաբայանը)՝ աշխատանքային պայմանագրով:
Հայցվորը ընդունեց այն, որ Համալիրի դիմաց գտնվող գետնանցում գործում է «Համբույր» անունով բար-սրճարանը եւ «Աֆինա» անունով գիշերային ակումբ-մոթելը:
