Արդեն տեղեկացրել ենք, որ նաիրիտցիները «Նաիրիտ» գործարանի մոտ են հավաքվել . նաիրիտցիներն պահանջում են հրավիրել խորհրդի նիստ, որտեղ պետք է հարց բարձրացվի աշխատակիցների աշխատավարձի վճարման եւ կրճատումների մասին:
Հիշեցնենք, որ գործարանի 2100 աշխատակցի ծանուցվել է` աշխատանքից ազատելու մասին, սակայն որեւէ նշում չկա արված, որ ազատվելու դեպքում նրանք կստանան իրենց աշխատավարձերի պարտքերը:
Aravot.am-ի հետ զրույցում գործարանի արհմիության նախագահ Հրաչ Թադեւոսյանն ասաց, որ այս պահին դեռ գործարանի մոտ են, եւ իրենց պահանջն առայժմ չեն փոխանցել տնօրինությանը. «Տնօրենն այստեղ չէ, երեւի նախարարություն է գնացել, սպասում ենք գա, որ ներկայացնենք խորհրդի նիստ հրավիրելու մեր պահանջը»:
Aravot.am-ի հարցին` հնարավո՞ր է դիմեն դատարան, քանի որ հորդորներ կան դատարան դիմելն է ճիշտ, պարոն Թադեւոսյանն ասաց. «Եթե դատարան դիմենք, ուրեմն մենք մեր ձեռքով գործարանը տանելու ենք սնանկացման: Մարդիկ կան 1 միլիոնից ավելի աշխատավարձի պարտք ունեն, գործարանն էլ ասելու է` փող չկա, չեմ կարող վճարել, դատարանն էլ կարող է սնանկ ճանաչել»:
Կարդացեք նաև
Ինչ վերաբերում է գործարանը սնանկացման տանելուն, պարոն Թադեւոսյանն ասաց, որ հաստատ ոչինչ չի կարող ասել, բայց քանի որ կառավարությունը պատրաստվում է բոլորին աշխատանքից ազատել, սա նշանակում է գործարանը լուծարելու միտում կա:
Նելլի ԲԱԲԱՅԱՆ
