Իշխանական քարոզչամիջոցներն ու մտքի տիտանները հրճվանքի մեջ են՝ ԵՏՄ-ին Հայաստանի անդամակցության հարցում ՀՀԿ-ի, ԲՀԿ-ի ու ՀԱԿ-ի դիրքորոշումները համընկնում են։ Սակայն հրճվանքն առաջինը ձեւակերպեց Արմեն Աշոտյանը՝ հայտարարելով, թե Հայաստանի քաղաքական օրակարգում նախագահի հրաժարականի պահանջ չկա, որովհետեւ «ՀՀ նախագահի բացառիկ լիազորություններն են արտաքին քաղաքականությունն ու պաշտպանությունը, երկու դեպքում էլ ընդդիմադիր հիմնական կամ այլընտրանքային ոչ իշխանական ուժերը կիսում են նախագահի տեսակետները»։
Փորձենք հասկանալ։ Փաստորեն ընդդիմությունը Սերժ Սարգսյանի հրաժարականը չի պահանջում, որովհետեւ կիսում է նրա տեսակետները՝ կապված երկրի պաշտպանության հետ։ Հետաքրքիր է՝ իսկ որո՞նք են այդ տեսակետները։ Հա, հիշեցինք. Սերժ Սարգսյանը գտնում է, որ Հայաստանը պիտի ունենա բանակ, եւ այդ բանակը պիտի պաշտպանի մեր սահմաններն արտաքին ոտնձգություններից։ Համաձայնվեք՝ շատ օրիգինալ մոտեցում է:
… Մի խոսքով՝ ընդդիմությունը կարող է որոշ հարցերում Սերժ Սարգսյանի հետ համակարծիք լինել եւ միաժամանակ պահանջել նրա հրաժարականը՝ հաշվի առնելով նրա ձախողումները շատ ավելի կարեւոր բնագավառներում։ Հայաստանում հիմա հենց այդպիսի վիճակ է։ Եվ եթե այս պահին հրաժարականի պահանջը չի բարձրաձայնվում՝ պատճառն ընդամենը այն է, որ միայն պահանջ հնչեցնելով հարց չի լուծվում, պետք է այդ պահանջը տեղ հասցնելու մեխանիզմներ ստեղծել։ Կարծում ենք՝ հենց դրանով էլ զբաղված է եռյակը։ Կստացվի, թե ոչ՝ այլ հարց է, բայց հաստատ մի քանի «դրվագներով» Սերժ Սարգսյանի հետ համակարծիք լինելը դրան չի խանգարում։
Մարկ ՆՇԱՆՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
