«ԱԺ վեց խմբակցություններից հինգը կողմ է եղել:Դա նշանակում է՝ քաղաքական հիմնական ուժերը սատարում են այս գործընթացին»,-այսօր«Փաստարկ» ակումբում խոսելով երեկ ՀՀ ԱԺ-ի՝ ԵՏՄ պայմանագրի վավերացման փաստի մասին, այսպիսի կարծիք հայտնեց ՀՀԿ խմբակցության պատգամավոր Խոսրով Հարությունյանը:
Խոսրով Հարությունյանը, խոսելով այն մասին, որ ՀՀ-ն այլընտրանք չուներ, ասաց. «Կամ մեր ընտրությունը եվրոպականը պիտի լիներ, կամ ԱՊՀ շրջանակներում ձևավորվող պրոցեսները: ԵՄ-ի հետ մեր համագործակցությունը չէր ենթադրում ինտեգրացում և ԵՄ-ն մեզ անվտանգության երաշխիքներ չէր տրամադրել և ակնհայտ է, որ մեր երկարաժամկետ ժամանակաշրջանում զարգացման տեսանկյուններից ԵՏՄ մեր անդամակցումը դառնում էր այլընտրանքը չունեցող»:
Խոսրով Հարությունյանը շեշտեց, թե այժմ ժամանակն է ինտենսիվ բանակցություններ սկսել Բրյուսելի հետ՝ ասոցացման համաձայնագրի ադապտացված պայմանագրի տեսլականի առումով:
Խոսրով Հարությունյանը նկատեց, թե այսօր ՌԴ տնտեսությունը չի ապրում իր լավագույն ժամանակաշրջանը՝ պատժամիջոցներ և այլն, բայց ՌԴ-ում նվազագույն աշխատավարձը, կենսաթոշակները ավելի բարձր են, քան մեզ մոտ, էլ չեմ խոսում երկրի ՀՆԱ-ի մասին:
Կարդացեք նաև
Խոսրով Հարությունյանն ասաց, թե Եվրոպան այժմ մեծ հետաքրքրություն ունի ՀՀ-ի նկատմամբ և որպես վկայություն՝ օրինակ բերեց այն, որ ՀՀ-ն ընդգրկվել է «ՋԻԷՍՓԻ» պլյուս ծրագրում:
Տաթև ՀԱՐՈՒԹՅՈՒՆՅԱՆ
