Նկատելիորեն բարձրացել է կաթնամթերքի, երշիկեղենի, շաքարավազի գինը։ Լուծվող սուրճն ու ատամի մածուկը նույնպես բավական թանկացել են։ Էժանացած ապրանքների թվում օճառն է, հավի միսը, ձեթը (համենայնդեպս օգոստոսի վերջի համեմատությամբ):
Նշված ժամանակահատվածում, սակայն, Հայաստանում աշխատող մարդկանց եկամուտները չեն ավելացել։ Կենսաթոշակը մնացել է միեւնույն մակարդակի վրա, իսկ միջին աշխատավարձը նույնիսկ փոքր-ինչ նվազել է։ Պաշտոնական վիճակագրական տվյալների համաձայն, նախորդ օգոստոս ամսվա վերջին՝ միջին աշխատավարձի չափը Հայաստանում եղել է 173 հազար 552 դրամ (հարկերը ներառյալ), հոկտեմբերի վերջին՝ 173 հազար 166 (նշենք, որ նոյեմբերի վերաբերյալ պաշտոնական թվերը դեռեւս հրապարակված չեն): Ու դեռ կանխատեսվում է, որ գների թռիչքը եղածով չի սահմանափակվելու, ինչին մեր երկրի բնակչությունը սպասում է սարսափով։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
