Վարչապետ Հովիկ Աբրահամյանը այսօր ՀՀԿ գործադիր նիստից առաջ հայտարարեց, որ պատրաստ է Ամանորին ընդառաջ կրճատել իր ծախսերը:
Հարցին, թե ՀՀԿ-ական պատգամավորները կոչ են արել քաղաքացիներին կրճատել Ամանորի ծախսերը, այս տարի դուք պատրա՞ստ եք ձեր ծախսերը կրճատել, վարչապետը պատասխանեց.«Պատրաստ եմ: Ամեն դեպքում մենք պետք է նաև մեր գոտիները ձգենք՝ ելնելով տարածաշրջանում ստեղծված իրավիճակից: Ես գտնում եմ, որ եթե անհրաժեշտ է, այո՛, մի քիչ կձգենք, մեր ծախսերը կկրճատենք»:
Հովիկ Աբրահամյանի խոսքով, բոլոր խոչընդոտները ժամանակավոր են և ժամանակի ընթացքում իրենք կհաղթահարեն այդ խոչընդոտները:
Հարցին, թե ֆինանսների նախարարության վերանորոգումը ճոխություն չէ՞ նախարար Գագիկ Խաչատրյանի համար, վարչապետը պատասխանեց. «Ես համոզված եմ, որ դրա անհրաժեշտությունը կա: Պետք է ստեղծել նորմալ պայմաններ, Գագիկ Խաչատրյանը դա իր համար չի անում, աշխատողների համար է անում, որ աշխատողներն աշխատեն նորմալ պայմաններում, բայց այո, դեմ եմ ճոխություններին»:
Կարդացեք նաև
Արփինե ՍԻՄՈՆՅԱՆ
