«Ինչո՞ւ Իշխան Զաքարյանը չի ներկայացնում ԱԺ-ում վերահսկիչ պալատի տարեկան գործունեության ծրագիրը և մի լավ ավանդույթ կար` նախապես այն քննարկել ՀՀ ԱԺ խմբակցությունների հետ, ինչո՞ւ դա այս տարի չեղավ»,-ՀՀ ԱԺ-ում մտահոգություն հայտնեց ՀՀ ԱԺ ՀԱԿ խմբակցության ղեկավար Լևոն Զուրաբյանը:
Նշենք, որ այսօր խորհրդարանում Վերահսկիչ պալատի (ՎՊ) ծրագիրը ներկայացնում էր ոչ թե ՎՊ նախագահ Իշխան Զաքարյանը, այլ ՎՊ խորհրդի անդամ Լիլիթ Գևորգյանը: Նա ի պատասխան նշեց, որ Իշխան Զաքարյանը արձակուրդում է, կվերադառնա մյուս շաբաթ:
Հարցին, թե ինչու ՎՊ ծրագիրը չեն քննարկել խմբակցությունների հետ, տիկին Գևորգյանն ասաց, որ գուցե ՎՊ հաշվետվության քննարկումներն են երկար տևել, դրա համար չեն հասցրել: Լևոն Զուրաբյանը արձագանքեց. «Կարող է պատահել, որ Իշխան Զաքարյանի դեմ ինչ- որ պատժամիջոցնե՞ր են ձեռնարկվել և նրան ժամանակավորապես կամ մշտապես արգելում են որպես պատժամիջոց ներկայացնել հարցերը ԱԺ-ում, որ այս կարևորագույն զեկույցի ներկայացման ժամանակ պարոն Զաքարյանը գնացել է արձակուրդ»:
Լիլիթ Գևորգյանը արձագանքեց. «Փարատեմ ձեր մտահոգությունը, որևէ խնդիր չկա ընդամենը արձակուրդի մեջ գտնվելու հանգամանքն է»:
Կարդացեք նաև
Տաթև ՀԱՐՈՒԹՅՈՒՆՅԱՆ
