Ինչպես արդեն տեղեկացրել էինք՝ այսօր վաղ առավոտից «Նաիրիտ» գործարանի աշխատակիցները հավաքվել էին նախագահ Սերժ Սարգսյանի նստավայրի դիմաց՝ պահանջելով վճարել իրենց 18 ամսվա աշխատավարձերը:
Գործարանի աշխատակիցներից 5 հոգի այսօր բողոքի ցույցից հետո հանդիպել են նախագահի աշխատակազմի ղեկավար Վիգեն Սարգսյանի հետ:
Ինչպես Aravot.am-ի հետ զրույցում նշեց «Նաիրիտի» արհմիութենական կազմակերպության նախագահ Հրաչ Թադեւոսյանը, հանդիպման ընթացքում իրենք բարձրաձայնել են աշխատավարձերի մարման մասին հարցը եւ, որ գործարանում դադարեցվի աշխատանքային պայմանագրերի լուծարման վերաբերյալ ծանուցագրերի տրամադրումը:
Իսկ նախագահականից աշխատակիցներին պատասխանել են, որ «Նաիրիտով» զբաղվում են. «Մեզ ասացին, որ «Նաիրիտի» պարտքերի մարումը կլինի այն ժամանակ, երբ գործարանի բաժնետոմսերը հետ բերվեն եւ դառնան ամբողջովին պետական, որից հետո միայն աշխատավարձերի պարտքերը կմարվեն»:
Նաիրիտցիներին չեն ասել, թե այդ գործընթացը որքան կտեւի եւ միայն խոստացել են, որ կմարեն ամբողջ աշխատավարձը:
Կարդացեք նաև
Էլյա ՀՈՎՀԱՆՆԻՍՅԱՆ
