«Հայաթ Փյեյս Երևան» հյուրանոցը, «Հայաստանի մանուկներ» հիմնադրամն (COAF) ու «Օրրան» բարեգործական կազմակերպությունն այսօր ՝ դեկտեմբերի 4-ին կազմակերպել էին տոնական միջոցառում՝ նվիրված Հաշմանդամների միջազգային օրվան ու «Հայաթ Փլեյս» հյուրանոցի մեկամյա գործունեությանը: «Օրրանի» երեխաները զարդարել էին տոնածառ, որի վրա կախված էին հրեշտակների տիկնիկներ՝ բարեմաղթանքներով:
Շուրջ 30 երեխաների՝ «Օրրանից», «Հայաստանի մանուկներ» հիմնադրամից եւ «Ունիսոն» ՀԿ-ից այցելեցին հեքիաթի հերոսները, երեխաները մասնակցեցին զանազան խաղերի, նաեւ Ամանորի զարդարանքներ պատրաստեցին: Երեկոյին մասնակցում էին նաեւ շոու-բիզնեսի եւ մշակույթի ոլորտի ներկայացուցիչներ: «Օրրանի» հիմնադիր Արմինե Հովհաննիսյանը կարեւորեց ներառման ու կորպորատիվ պատասխանատվության գաղափարները:
Գոհար ՀԱԿՈԲՅԱՆ
