«Մենք նման ենք սիրառատ կնոջ, որը օրվա կեսը մի տղամարդու է սիրո հավատարմության երդում տալիս, հաջորդ կեսը` նրա հակառակորդին: Ուստի փակում են այդ կնոջը, որ լեւի չգնա: Մենք այդ վիճակում ենք»,-այսօր ՀՀ ԱԺ ամբիոնից հայտարարեց «Ժառանգություն» խմբակցության ղեկավար Ռուբեն Հակոբյանը:
Նա հայտարարեց, թե «դեմ» են քվեարկելու «Եվրասիական տնտեսական միության մասին» 2014-ի մայիսի 29-ի պայմանագրին միանալու մասին» պայմանագրին ու նկատեց. «Լավ օրից չէ, որ այսօր մեր սահմանին ռուս զինվոր է կանգնած և ռուսական ռազմական բազա ունենք»:
Ռուբեն Հակոբյանը, շարունակելով մտահոգությունների շարքը, նշեց, թե Ադրբեջանն իր չեզոք վիճակով շատ ավելի շահեկան վիճակում է: Այնուհետև շեշտեց, թե գուցե բանավոր պայմանավորվածության արդյունքն է այս անդամակցությունը: Ու հեգնեց. «Գուցե բանավոր երդում են տվել իրար չդավաճանելու, հոտնկայս էլ մի բաժակ են բարձրացրել, բայց որևէ միջազգային նորմ չգիտեմ, որտեղ նշվի, որ հոտնկայս դերումն ավելի գերակա է»:
Պարոն Հակոբյանը ԱԺ ամբիոնից բոլորին կոչ արեց «չապակողմնորոշել մարդկանց և խղճի մտոք» քվեարկել»:
Կարդացեք նաև
Ելույթի ավարտից հետո ՀՀ ԱԺ նախագահ Գալուստ Սահակյանը Ռուբեն Հակոբյանին հորդորեց. «Ձեր դիրքերը ապահովեք Ձեր խմբակցության մեջ և խորհուրդներ մի տվեք»:
Տաթև ՀԱՐՈՒԹՅՈՒՆՅԱՆ
