Ամփոփվեց Հայաստանի երիտասարդական հիմնադրամի և Հայաստանի հաշմանդամների «Փյունիկ» միության նախաձեռնությամբ անցկացված իրավական թեմաներով դասընթացը հաշմանդամություն ունեցող անձանց համար։
Ծրագրին մասնակցում էին 18-35 տարեկան 25 հաշմանդամություն ունեցող անձինք։
Հայաստանի երիտասարդական հիմնադրամի սոցիալ-տնտեսական և զբաղվածության ծրագրերի համակարգող Խաչիկ Զաքարյանը նշում է, որ ծրագրի անհրաժեշտությունը կար։ Սեմինարների ընթացքում իրավական թեմաներին զուգահեռ տրվում են նաև բիզնես գիտելիքներ, ծանոթացնում էին կառավարման, ինքնակենսագրություն (CV) գրելու հմտություններին։ Անցկացվել են ինտերակտիվ դասընթացներ մարդու իրավունքների, հաշմանդամություն ունեցողների սոցիալական իրավունքների մասին, մասնակիցները ծանոթացել են հաշմանդամության հիմնախնդրին առնչվող ՀՀ օրենսդրությանը, տեղեկացել են այն կառույցների մասին, որտեղ կարելի է ծրագրեր ներկայացնել և ստանալ ֆինանսավորում։
Ընդ որում, ծրագրի մասնակիցներից ոմանք ունեին հետաքրքիր գաղափարներ և սեփական աշխատանքը հիմնելու մտադրություն։ Մասնավորապես, նրանցից մեկը հաղորդումներ, հոլովակներ է մոնտաժում՝ այդպիսով վաստակելով իր գումարը։ Մյուսն ասեղնագործում է՝ վաճառքի հանելով իր ձեռքի աշխատանքները։
Խաչիկ Զաքարյանը նկատում է, որ հաշմանդամություն ունեցող անձանց բարձրացրած խնդիրները հիմնականում վերաբերում են միջավայրի անմատչելի լինելուն, թեև վերջին շրջանում այդ հարցի լուծման ուղղությամբ քայլեր ձեռնարկվում են։
Կարդացեք նաև
Հայաստանի երիտասարդական հիմնադրամի
հասարակայնության հետ կապերի ծառայություն
