Երեկ ֆինանսական շրջանակներում տեսակետ էր շրջանառվում, որ դրամի կուրսի վայրէջքի հիմնական պատճառն այն է, որ ռուսական խոշոր ընկերությունները ռուբլու կտրուկ արժեզրկումից հետո Հայաստանում մեծ քանակությամբ դոլար են գնել, եւ ռուսական բանկերն իրենց դոլարային կապիտալը տեղափոխում են Մոսկվա։
Ըստ ԱԺ պատգամավոր, ՀՀ նախկին վարչապետ Հրանտ Բագրատյանի, նման գործոն կարող է լինել, սակայն դրա ազդեցությունը չափազանցված է։ Նա դոլարի թռիչքի 3 հիմնական պատճառ նշեց։
«Դոլար քիչ է գալիս, սա առաջին պատճառն է, երկրորդ պատճառը՝ որ ռուսական բանկերը սանկցիաների հետեւանքով չունեն կանխիկ դոլար ստանալու հնարավորություն, այստեղ կանխիկ են առնում եւ տեղափոխում են Ռուսաստան։ Երրորդը՝ շատ բանկերում պահուստները ռուբլով են պահվում, ռուբլին արժեզրկվում է, ստիպված՝ դրանք պետք է դոլար առնեն, որպեսզի պահեն իրենց հաշվեկշիռը, եւ արդյունքում ստացվում է այս «կաշան»»։
Սյուզան ՍԻՄՈՆՅԱՆ
Կարդացեք նաև
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
