Կոնդ թաղամասի իրացված տարածքի Պարոնյան 42/1 հասցեի անավարտ շինարարությունը կառավարությունը որոշել է վերսկսել:
Կառավարության դեկտեմբերի 4-ի նիստին կներկայացվի նախագիծը, ըստ որի անավարտ շինարարությունն ավարտին կհասցնի քաղաքաշինության նախարարության ԾԻԳ-ը` որպես պատվիրատու, իսկ կառուցապատողն է «Ի ԷՄ ՍԻ» ընկերությունը:
Որոշման նախագծով առաջարկվում է «Ի ԷՄ ՍԻ» ընկերությանը Կոնդ թաղամասի իրացված տարածքների նախկին սեփականատերերի եւ օգտագործողների հետ կնքել դադարեցված գույքային իրավունքների դիմաց ապագայում բնակարաններ տրամադրելու եղանակով հատուցման պայմանագրերը, ըստ կառուցվող շենքի ճարտարապետաշինարարական նախագծով նույնականացվող ստորաբաժանված միավորների:
Նելլի ԲԱԲԱՅԱՆ
