Ռուսաստանը խախտել է ինտեգրման բոլոր պայմանավորվածությունները և պետք է չեղյալ հայտարարի Բելառուսից մատակարարվող ապրանքի վրա դրած սահմանափակումները, այդ մասին հայտնել է Բելառուսի նախագահ Ալեքսանդր Լուկաշենկոն, փոխանցում է «Ռեգնում»-ը:
«Բազմաթիվ ձեռնարկատերերի արգելելով Ռուսաստանի տարածք պարենային ապրանքների ներմուծումը՝ Ռուսաստանն իրեն անպարկեշտ է պահել», – ասել է Լուկաշենկոն դեկտեմբերի 3-ին Մինսկում՝ Բելառուսից Ռուսաստան ապրանքների մատակարարման սահմանափակմանը նվիրված խորհրդակցության ժամանակ: Սահմանափակումները կապված են ՌԴ կառավարության իր դեմ կիրառած պատասխան պատժամիջոցների հետ:
«Ռուսաստանը խախտել է բոլոր պայմանավորվածությունները, որոնք մենք ձեռք էինք բերել Մաքսային միությունում: Այո, կարելի է այս ամենը բացատրել անվտանգության, ահաբեկչության, միջուկային անվտանգության և այլ տեսակետներից, կարելի է ամեն ինչ հնարել ու պիտակավորել», – շարունակել է նա, – «Եթե հարց տանք, թե որ ապրանքներն են ավելի անվտանգ՝ բելառուսակա՞նը, թե՞ ռուսականը, դա ծիծաղ կառաջացնի ոչ միայն Բելառուսում, այլև ցանկացած ռուսի մոտ, որովհետև Ռուսաստանի Դաշնությունում, թող ինձնից չնեղանան, կես դարով հետ են մնացել ապրանքի անվտանգության ոլորտում»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
