ՀՀԿ խմբակցության պատգամավոր Վոլոդյա Բադալյանը, ինչպես հայտնի է, ՀՀ երկրորդ նախագահ Ռոբերտ Քոչարյանի խնամին է: Լրագրողներն այսօր ԱԺ-ում պարոն Բադալյանին հարցրեցին՝ այն, որ Ռոբերտ Քոչարյանը վերջին շրջանում հանդես է գալիս քննադատությամբ, նշում խնդիրներ, որ իր ժամանակ չեն եղել, դա ի՞նչ է նշանակում՝ նա կվերադառնա՞, թե՞ ոչ:
Նա պատասխանեց. «Ես չեմ կարող պատասխանել նրա փոխարեն: Չենք խոսել նրա հետ այդ մասին»:
Հարցին՝ հանրությունը պատրա՞ստ է նրա վերադարձին՝ նա պատասխանեց. «Ձեզ հարցրեք, դուք հանրության անդամ եք: Ես տեղյակ չեմ»:
Թե ինչքանով կապ ունի Ռոբերտ Քոչարյանը եռյակի հետ, նա՞ է հովանավորում եռյակին՝ Վոլոդյա Բադալյանը վստահեցրեց, որ այդ կարգի հարցեր խնամու հետ չի քննարկել եւ չգիտի»:
Կարդացեք նաև
Մեր հարցին, որ ոչ իշխանականները իշխանափոխություն են պահանջում՝ նա պատասխանեց. «Ես չեմ պահանջում»:
Հարցին՝ ինչո՞ւ են մեր երկրում բարձրաստիճան պաշտոնյաների բարեկամները, խնամիները միշտ հաջողությունների հասնում՝ Վոլոդյա Բադալյանը նախ ճշտեց՝ նկատի ունեք ի՞նձ, թե՞ ընդհանրապես: Երբ ճշտվեց, որ նկատի ունենք իրեն եւ ընդհանրապես՝ պատգամավորը պատասխանեց. «Ես դեռ 80-ականներից եղել եմ գործարանի տնօրեն: Ընտրվել եմ դեպուտատ Գերագույն խորհրդի ժամանակներից մինչեւ այսօր, երբ խնամի չէի: Եվ որեւիցե մի խնդիր չի առաջացել խնամի լինելու եւ չլինելու իմ հետագա աշխատանքների մեջ»:
Հռիփսիմե ՋԵԲԵՋՅԱՆ
