Հայաստանը ավելի քիչ է կոռումպացված, քան Իրանն ու Ադրբեջանը, բայց ավելի շատ, քան Թուրքիան ու Վրաստանը: Ըստ Transparency International հակակոռուպցիոն կազմակերպության 2014թ. Հետազոտության՝ 175 երկրների մեջ Հայաստանը կոռուպցիայի մակարդակով զբաղեցնում է 94-րդ տեղը՝ 37 միավորով, որ մեկով ավելին է, քան 2013թ.-ինը:
Ադրբեջանը 29 միավորով զբաղեցնում է 126-րդ տեղը, Իրանը՝ 27-ով 136-րդը, Թուրքիան 45, իսկ Վրաստանը 52 միավորներով գտնվում են 64-րդ և 50-րդ հորիզոնականներում համապատասխանաբար:
Բավական կոռումպացված երկիր է համարվում նաև Ռուսաստանը, որը մեկ միավորով նահանջել, վաստակել է 27 և այս տարի գտնվում է 136-րդ տեղում, իսկ Ուկրաինան էլ ավելի կոռումպացված է համարվում, քան նրա հակառակորդ Ռուսաստանը՝ զբաղեցնելով 142-րդ հորիզոնականը:
Ամենակոռումպացված երկրներն են Հյուսիսային Կորեան և Սոմալին: Իսկ առաջին եռյակում են հայտնվել Դանիան, Նոր Զելանդիան և Ֆինլանդիան:
Կարդացեք նաև
Պատրաստեց Հովհաննես ԻՇԽԱՆՅԱՆԸ
