Արմավիրի մարզի Էջմիածին քաղաքի առաջին ատյանի դատարանի դատավոր
Վահե Խալաթյանին
Հարգելի պ. դատավոր,
Ձեր վարույթում է գտնվում «Ազդարար» ամսագրի հրատարակիչ, քաղաքացի Մարտիկ Սարգսյանի հետ առնչվող հ. 57119613 քրեական գործը:
Կարդացեք նաև
Խնդրում ենք Մարտիկ Սարգսյանի նկատմամբ պատիժ սահմանելիս հաշվի առնել հետևյալ հանգամանքները. Մ. Սարգսյանը ակտիվ մասնակցություն է ունեցել Արցախյան գոյամարտին և ստացել է հրազենային վնասվածք եւ կոնտուզիա, իրավախախտման մեջ նա իրեն մեղավոր է ճանաչել և զղջացել է կատարած արարքի համար, նպաստել է գործով օբյեկտիվ ճշմարտության վերհանմանը:
Մենք նրան ճանաչում ենք որպես պրոֆեսիոնալ լրագրողի և հմուտ կազմակերպչի: Իր գործունեության մեջ նա միշտ եղել է ճշտապահ և հետևողական:
Խնդրում ենք հնարավորության դեպքում փոխել Մարտիկ Սարգսյանի դեմ կիրառված խափանման միջոցը:
Այս նամակին միացել են մի շարք լրատվամիջոցների և հասարակական կազմակերպությունների ներկայացուցիչներ։
