Կոտայքի մարզի ընդհանուր իրավասության դատարանում Վարդան Պետրոսյանի պաշտպանությունն այսօր շարունակեցին իրականացնել Նիկոլայ Բաղդասարյանն ու Սամվել Ջաղինյանը:
Այս գործով չորս տուժողներն ու երկու տուժողի իրավահաջորդները ներկա չեն:
Ավտովթարի գործով նախորդ նիստում արված միջնորդության հետ կապված իրենց առարկությունները ներկայացրեցին մեղադրող Արթուր Սարգսյանն ու տուժողների ներկայացուցիչ, փաստաբան Ռուբեն Բալոյանը:
Հիշեցնենք, որ Նիկոլայ Բաղդասարյանը միջնորդել էր կրկնակի հանձնաժողովային եւ համալիր ավտոտեխնիկական, դատահետքաբանական եւ դատաբժշկական փորձաքննություն նշանակելու մասին:
Կարդացեք նաև
Մեղադրող Արթուր Սարգսյանն ասաց, որ հեռախոսով խոսելու փաստը առանձին փորձաքննության անհրաժեշտություն չունի, քանի որ կան ապացույցներ, որոնց կողմերը կարող են գնահատել:
Ինչ վերաբերում է ՃԵԿ-ի խախտմանը, մեղադրողն ասաց, թե Վարդան Պետրոսյանը գերազանցել է թույլատրելի արագությունը, եւ արագությունը վերցնելով, Վ.Պետրոսյանը խախտել է օրենքի պահանջները:
Այս հարցի կապակցությամբ լրացուցիչ իր հարցը փորձեց պարզաբանել Ն.Բաղդասարյանը, որն ասաց, թե ութ ամսվա դատաքննության ժամանակ մեղադրողը չի կարդացել իր պաշտպանած մեղադրանքը եւ որ մեղադրողն ասում է մի բան, որի մասին չկա մեղադրանքում:
Դատավորը հորդորեց, որ Ն.Բաղդասարյանը պարզաբանման կապակցությամբ «առարկություններին նորից չառարկի», իսկ երբ Ն.Բաղդասարյանը շարունակեց, նա նախազգուշացրեց Վ.Պետրոսյանի պաշտպանին:
Ի դեպ, սա երկրորդ սանկցիան է պաշտպանի նկատմամբ:
Մանրամասները քիչ հետո:
