Չնայած գլխավոր դատախազ Գեւորգ Կոստանյանի հավաստիացումներին՝ Մարտի 1-ի քրեական գործին նոր թափ տալու մասին, Հատուկ քննչական ծառայությունը դեռեւս չի առանձնացրել Մարտի 1-ին սպանվածների վերաբերյալ մասերը։
Օրերս գրավոր հարցմամբ դիմել էինք ՀՔԾ՝ պարզելու համար, թե արդյոք գործերն արդեն առանձնացվել են, եւ արդյոք դրանցով նոր քննչական գործողություններ տեղի ունեցել են։ «Ի պատասխան Ձեր հարցմանը տեղեկացնում ենք, որ Ձեր նշած քրեական գործից յուրաքանչյուր դեպքով առանձին վարույթներ անջատելու ուղղությամբ ներկայումս ՀՀ հատուկ քննչական ծառայությունում իրականացվում են համապատասխան դատավարական գործողություններ։ Գրության մեջ նշված մյուս հարցերին հնարավոր կլինի պատասխանել վարույթներն առանձնացնելուց հետո»,- հայտնեցին Հատուկ քննչական ծառայությունից։
Նշենք, որ մեր հարցմամբ ՀՔԾ-ից խնդրել էինք հայտնել, թե արդյոք սպանությունների գործերն արդեն առանձնացվել են, եթե այո՝ Մարտի 1-ի զոհերից ում վերաբերյալ քրեական գործը որ քննիչի վարույթում է գտնվում, նաեւ խնդրել էինք հայտնել այդ քննիչների անունները։
Անի ԳԵՎՈՐԳՅԱՆ
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
