Թուրքիայում Պուտինի և Էրդողանի հանդիպումը տևել է նախատեսված ժամանակից մի քանի անգամ ավելի՝ մոտ երեք ժամ: Ռուսաստանի և Թուրքիայի առաջնորդներն իհարկե խոսելու շատ բան ունեն, քանի որ ներկայում նրանք հայտնվել են չափազանց ծանր վիճակում: Պուտինն ու Էրդողանը համաշխարհային իզգոյի կարգավիճակում են, իհարկե՝ Պուտինը փոքր-ինչ ավելի, սակայն Էրդողանն էլ ընդամենը հետևում է նրան:
Այս իրավիճակի ապացույցն է այն, որ Էրդողանի հետ հանդիպումից հետո Պուտինը հայտարարել է «Հարավային հոսք» գազամուղի շինարարությունը դադարեցնելու մասին՝ պատճառաբանելով, իհարկե, որ ձգձգում են եվրոպացիները: Փոխարենը «Հարավային հոսքը» կուղղվի Թուրքիա, իսկ եվրոպացիները, ըստ Պուտինի, ռուսական էներգակիրների նոր աղբյուրներ չեն ստանա, և դրանք կուղղվեն այլ շուկաներ:
Թե ինչքանով է խելամիտ այս հայտարարությունը տնտեսական առումով՝ կասեն տնտեսագետները, թեև առանց այդ էլ պարզ է, որ ուղղակի անմտություն է Եվրոպան իր գնողունակությամբ համեմատել որևէ այլ ուղղության հետ: Օրինակ՝ Ռուսաստանը գազային համաձայնագիր կնքեց Չինաստանի հետ՝ ի հակակշիռ Եվրոպայի, սակայն արդյունքում ստացվել է այնպես, որ չինացիները նախ պահանջել են գազի հնարավորինս ցածր գին և բացի այդ էլ հրաժարվել են ավանս վճարել՝ գազամուղի կառուցման համար: Այս ամենին էլ գումարվել է այն, որ Պեկինի ստորագրության համար Պուտինը Չինաստանին տվել է Ռուսաստանի հանքարդյունաբերական ոլորտում գործունեության մեծ դաշտ:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
