«Ես խաբար չեմ, բայց ես գիտեմ, որ տվյալ մարդուն հեռացրել են գործից»,- այսօր պատգամավոր Սամվել Ալեքսանյանը Aravot.am-ի հետ զրույցում այսպես պատասխանեց մեր հարցին, թե Մալաթիա հիվանդանոցում առանց վերջույթների ծնված նորածնի դեպքը վա՞տ է անդրադարձել իր հիվանդանոցի հեղինակության վրա:
Պարոն Ալեքսանյանը հայտարարեց. «Ես հիվանդանոցի հետ ի՞նչ գործ ունեմ, որ խառնվեմ իրենց գործերին, խաբար չեմ»:
Մենք նաեւ հետաքրքրվեցինք՝ Մալաթիայի բնակիչներին բարեգործական հիմունքներով մինչեւ ե՞րբ է լավաշ բաժանելու եւ հնարավո՞ր է ընդլայնի ծրագիրն ու սկսի լավաշ բաժանել մեր ողջ ազգաբնակչությանը՝ նա պատասխանեց. «Ինչքա՞ն եք ուզում տեւի, եթե չեք ուզում՝ դադարացնեմ»:
Նշենք, որ լավաշի հերթը մի քանի հարյուր մետր է արդեն ձգվում: Բնակիչները՝ սայլակներով, երեխաները գրկներին, ժամերով հերթ են կանգնում՝ Սամվել Ալեքսանյանի ձրի լավաշը ստանալու համար:
Կարդացեք նաև
Հռիփսիմե ՋԵԲԵՋՅԱՆ
