Նախատոնական շրջանին բնորոշ գնաճը մտահոգիչ է դարձել, քանի որ գների բարձրացմանը զուգահեռ վերջին օրերին էապես արժեզրկվել է նաեւ դրամը` ազդելով բնակչության գնողունակության վրա: Պարենային եւ ոչ պարենային շուկաներում գների աճը մտահոգել է նաեւ Տնտեսական մրցակցության պաշտպանության պետական հանձնաժողովին, որտեղ ձեւավորված հատուկ աշխատանքային խումբը սկսել է ամենօրյա մոնիտորինգը Հայաստանի խոշոր առեւտրային կենտրոններում:
«Նախնական գնահատականով` նկատվում են որոշ ապրանքատեսակների թանկացումներ, սակայն դրանք հիմնականում ներկրված ապրանքներ են, իսկ տեղական արտադրության ապրանքների շուկայում էական գնային փոփոխություններ չեն նկատվել: Ներկրված ապրանքների թանկացումը, նախնական գնահատականով, պայմանավորված է տարադրամի փոխարժեքի փոփոխություններով»,- ասել է հանձնաժողովի ներկայացուցիչը:
Հոդվածն ամբողջությամբ՝ «Հայոց աշխարհի» այսօրվա համարում
