Թուրքական և ադրբեջանական համացանցը թոնրում լավաշին սպասող կրակի պես թեժ է: Հայաստանի հարևան երկրներում վրդովված են՝ հայկական ավանդական լավաշ հացը ՅՈւՆԵՍԿՕ-ի կողմից ճանաչվել է որպես մարդկության ոչ նյութական մշակութային ժառանգություն:
Այս որոշումը, հիշեցնենք, ընդունվել է Փարիզում ՅՈւՆԵՍԿՕ-ի կենտրոնակայանում անցկացվող Ոչ նյութական մշակութային ժառանգության պաշտպանության մասին կոնվենցիայի միջկառավարական կոմիտեի 9-րդ նիստում: «Մարդկության ոչ նյութական մշակութային ժառանգության ներկայացուցչական ցուցակում ներառել Հայաստանի ներկայացրած «Լավաշ. ավանդական հացի պատրաստումը, նշանակությունը և մշակութային դրսևորումները Հայաստանում» հայտը», – ասվում է ՅՈւՆԵՍԿՕ-ի պաշտոնական կայքէջում:
Այս իրադարձությունից մի քանի օր առաջ, ըստ ադրբեջանական լրատվամիջոցների, Թուրքիայի և Ադրբեջանի մշակույթի նախարարները հայտարարել էին, թե պայմանավորվել են լավաշը որպես թուրք-ադրբեջանական ժառանգություն ներկայացնել ՅՈւՆԵՍԿՕ-ի ուշադրությանը, և համոզմունք էին հայտնել, թե նախաձեռնությունը հաջողությամբ է պսակվելու: Սակայն տեղի ունեցավ ճիշտ հակառակը:
Լուսինե Մուսայելյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
