Գորիսի բնակիչ Մարտին Մայսուրյանը քրեական հետապնդման մեջ գտնվող Գորիսի (2000-2014 թթ) քաղաքապետ Նելսոն Ոսկանյանից տուժածներից է: Նա Aravot.am-ին պատմեց, թե ինչպես է նախկին քաղաքապետը իրենից խլել, վաճառել իր գույքը:
« 1953-1958թթ. ընկած ժամանակաշրջանում հորս և իմ նախաձեռնությամբ, ֆիզիկական ահռելի աշխատանքի և զգալի նյութական միջոցների ներդրմամբ, շուրջ 7 մ խորությամբ ձորի հողալցման, բարեկարգման միջոցով ստեղծել ենք շուրջ 8500քմ հողատարածք, որից 900քմ կանաչապատել, ծառատնկել, դրենաժավորել, ցանկապատել և մշակովի այգի ենք դարձրել և շուրջ 50 տարի է որպես տնամերձ տիրապետում, օգտագործում և մշակում եմ ես: Չունենալով ՀՀ կառավարության կողմից 8500քմ հողատարածքը քաղաքի գլխավոր հատակագիծ մտցնելու, կառուցապատման տակ դնելու և տնամերձ հողատարածք ճանաչելու մասին որոշում, Գորիսի նորընծա տերերը՝ Սյունիքի տեր ու տիրակալ, թալանչի բդեշխ Lիսկայի ղեկավարությամբ, սկսած 1991թ.-ից այդ հողատարածքը համարել են առանձին միավոր հողատարածք, կամայականորեն, անօրինական, ապօրինաբար 21 հողակտորներից 17-ը սեփականաշնորհել, վաճառել, նվիրել են իրենց ձեռնտու շահագրգիռ անձնավորությունների, ապoրինաբար կառուցել 6 բնակելի շենքեր, առևտրի սպասարկման կետեր, որոնց մի մասը տարիներ անց քաղաքապետարանի կողմից օրինականացվել է, ապա սեփականաշնորհվել համապատասխան հողատարածքները»:
Մարտին Մայսուրյանի պատմելով, իրեն պատկանող հողատարածնքները մարզպետ Սուրիկ Խաչատրյանը Նելսոն Ոսկանյանի «թեթեւ ձեռքով» նախ ձեւակերպել է իր կնոջ՝ Լորետա Բարսեղյանի եղբոր անունով ու հենց պարզել, որ Մայսուրյանի բողոքների հիման վրա քրեական գործ է հարուցվելու, հողատարածքը մի ամսում չորս անգամ վերավաճառել է՝ ապօրինության հետքերը կորցնելու համար. «Ինձ պատկանող հողատարածքի հիմնական ապօրինի գործարքները Նելսոն Ոսկանյանի հետ է կատարել, այսինքն` Նելսոնի միջոցով կատարել է 35 ապօրինի հողհատկացում, ով փող է տվել, իմ հողից մաս են տվել»:
Նա դժգոհեց, որ միայն Նելսոն Ոսկանյանի դեմ են քրեական գործ հարուցել՝ անտեսելով նրա «հրամանատար» Սուրիկ Խաչատրյանին. «Քաղաքապետը կամակատար էր»:
Կարդացեք նաև
Պարոն Մայսուրյանը արդեն մի քանի տարի է՝ դատարաններից տուն չի գնում, իր իրավունքները վերականգնելու համար դատարանից դատարան է դիմում:
Արփինե ՍԻՄՈՆՅԱՆ
«3000 տարվա ազգը» ինչպե՞ս է Լիսկա հանդուրժում: Դուք այս հարցի պատասխանը գիտե՞ք:
Ես գիտեմ` վարազները փախչում են ամստերդամներ, «3000 տարվա ազգ»-ի հայրենիքում մնում են մկները, որոնց վրա աղվեսը, գիտեք, իշխանություն ունի
Լրիվ համաձայն եմ Սասուն Յուզբաշյանի հետ…
Մի փախեք ու հեռվից` տաքուկ տեղերից դաս տվեք…..
Իսկ ի՞նչու են հայրենիքում մնացածները «մկներ»: Թույլ տվեք հարցնել՝ «փախած» իմ «տաք տեղից»:
Ես հիմա որ իմ ոճով շարունակեմ, դուք էլ ձեր ոճով նորից հարցեր տաք, կարծում եմ այստեղ բավականին երկար…զավզակություն կանեմ: Բայց միայն այս անգամ պատասխանելով կավարտեմ.
-Որովհետև վարազները գնացել են ամստերդամներ, վարազ չլինելու պատճառով առյուծներն ու վագրերը սատկել են կամ էլ մուկ ուտելով կատու են դարձել ու, միևնույն է, աղվեսից վախենում են 🙂
Հարգելի Վարազ Սյունի, կներեք, որ Ձեր անունն օգտագործելով այսպիսի պատկերներ եմ ստեղծում: Դա ոչինչ չի նշանակում: Միգուցե Դուք հենց առյուծ եք… բայց…մռնչոցն իսկապես տպավորիչ է մոտիկից 🙂