Երևանում՝ Առնո Բաբաջանյան համերգասրահում «Կատարողական արվեստի համաշխարհային ասոցիացիան» ներկայացրեց «Կատարողական արվեստի աշխարհի գավաթի 2014թ.» առաջնությունը, որին մասնակցում էին երգի և պարի բնագավառը ներկայացնող 18 օտարերկրյա պետություններից ժամանած մասնակիցներ, իսկ հայաստանյան մասնակիցները ոչ միայն Երևանից էին, այլ նաև` Արցախից, Գյումրիից, Հրազդանից, Վանաձորից, Վեդիից, Արարատից, Արտաշատից, Մասիսից:
Ժյուրիի կազմը ևս տարբեր ազգերի ներկայացուցիչներից էր կազմվել` Բրազիլիա, Ուկրաինա, Մոլդովա, իհարկե նաև Հայաստան: Մրցույթի կազմակերպիչն էր Արման Ղուկասյանը:
Մասնակիցների ելույթները ներկայացվեն 6 տարիքային խմբերով: Նշենք, որ Հայաստանը ներկայացնող փոքրիկ երգչուհի Մերի Քոչարյանը հանդես գալով 9-12 տարիքային խմբում և զբաղեցրեց առաջին պատվավոր հորիզոնականը` արժանանալով մեդալի և պատվոգրի: Մրցութային փուլի ընթացքում Մերին կատարես 2 երգ՝ հայերեն և անգլերեն լեզուներով:
Մրցանակաբաշխության ընթացքում, ժյուրիի անդամների որոշմամբ, փոքրիկ Մերիին արժանացրեցին ուղեգրերի: Այսպիսով 2015 թ.-ին Մերի Քոչարյանը Մակեդոնիայում կմասնակցի «Բալթյան երկրների գավաթին» և Բուլղարիայում կայանալիք երգի մրցույթին:
«Շատ ուրախ եմ, որ ներկայացնելու եմ իմ հայրենիքը արտերկրում և իհարկե անչափ շնորհակալ եմ իմ վոկալի դասախոս Մերի Կարապետյանին»,-նշում է Մերին:
