Այսօր ԱԺ-ում ԵՏՄ անդամակցության պայմանագրի քննարկման ժամանակ պատասխանելով Զարուհի Փոստանջյանի քննադատությանը ՝ Շավարշ Քոչարյանն ասաց, որ ինքն էլ ընդդիմադիր գործունեության մեծ փորձ ունի եւ գտնում է, որ ընդդիմությունը պետք է քննադատի սեփական երկրի իշխանությանը, ոչ թե այլ երկրի: Նման ձեւակերպումները բորբոքում են իրավիճակը եւ անգիտակցաբար վնասում հարաբերությունները. «Չեմ կարծում, որ դա նպաստում է այն նպատակին, որ ունի այսօր ընդդիմությունը»:
Իսկ ՀՀԿ պատգամավոր Վարդան Այվազյանն անդրադարձավ Զարուհի Փոստանջյանի մեկ այլ դիտարկմանը, որ ով կողմ քվեարկի ԵՏՄ պայմանագրին, պետական դավաճան է, ինչպես որ պետական դավաճան է այդ որոշումը կայացրած Սերժ Սարգսյանը: Վարդան Այվազյանի խոսքերով՝ «Ասեմ, թե ինչի դավաճան չենք: Ամեն մեկը խոսում է, թե իրան ով է վարձատրում, ասեմ, ինձ վարձատրում է ՀՀ քաղաքացին: Եկեք հարգենք մեր բարեկամ ժողովրդի քաղաքական որոշումը: Նույն նախագահից, որ խոսում եք ՌԴ-ի, իրա ժողովրդի ընտրված նախագահն է, եկեք հարգենք, էլի, ամենամեծ սփյուռք ունեցողին: Մենք՝ դավաճանողնե՞րս ենք մտածում պետության մասին, թե՞ այստեղ խոսացողները: Պարզապես շատ փոքրիկ հաշվարկ պետք է կատարել»:
Հռիփսիմե ՋԵԲԵՋՅԱՆ
վա՝յ-վազյաններին ժողովուրդը անվանում է մի համապարփակ անունով՝ շոբլիկ