«Եթե վատ ենք կառավարում երկիրը, ինչ կապ ունի Ռուսաստանը, Ռուսաստա՞նն է մեղավոր, որ մեր բյուջեի 18,6 տոկոսը գնում է կառավարման համակարգի վարձատրության վրա»,- այսօր «Ազդակ» ակումբում անդրադառնալով՝ ԵՏՄ-ի անդամակցությունից դժգոհություններին՝ ասաց նախկին պատգամավոր Վարդան Բոստանջյանը:
Նա դժգոհեց հայ պաշտոնյաներից. «Ով որ տեղից վեր է կենում, մեքենա է քշում, ո՞նց կարելի է արա: Էս շեֆերը իրենց ընտանիքի անդամներից ամեն մեկին տասը հեռախոս են տվել, ու էդ փողերը պետությունն է տալիս: Էլ չեմ ասում եվրոնորոգումները, արա ո՞վ եք դուք, պետության հաշվին ոնց կարող եք էդքան»:
Նա Եվրասիական տնտեսական միությանը Հայաստանի անդամակցությունը համարեց կարեւոր ձեռքբերում ու ասաց՝ ծիծաղելի են այն վերլուծությունները, թե մենք կտուժենք, ապրանքները կթանկանան. «Թող թանկանան, նորմալ է:Որեւէ երկիր չի կարող մեկուսացված գոյատեւել կամ մտածել, որ իր երկրի առջեւ ծառացած խնդիրները կարող է միայնակ լուծել: Հայաստանը արդեն եղած միություններից որեւէ մեկում հանգրվանելու առումով այլընտրանք չուներ: Հենց մեր երկրի շահերից ելնելով ավելի նպատակահարմար է Եվրասիական տնտեսական միությունը:
Այս պահին, չլուծված հիմնախնդիր ունենք, ու եկեք չմոռանանք, որ մեր ազգային անվտանգությունը տարիներ շարունակ պաշտպանել է ռուսական կողմը»:
Կարդացեք նաև
Արփինե ՍԻՄՈՆՅԱՆ
