«Ամեն դեպքում՝ Հայաստանը հիմնական եւ կարեւոր դեր է խաղում Եվրամիության համար»,- այսօր լրագրողների հետ զրույցում պատասխանելով այն հարցին, թե ինչպիսին կլինեն, ըստ նրա կանխատեսման, Հայաստանի եւ Եվրամիության հարաբերությունները այն բանից հետո, երբ հունվարի մեկից Հայաստանը դառնում է Եվրասիական տնտեսական միության անդամ, ասաց ֆրանկոֆոնիա ֆորումի հարցերով Բելգիայի հատուկ հանձնարարության դեսպան Ֆիլիպ Սուինեն։
«Բոլոր այլ երկրների համեմատ Հայաստանը համարվում է շատ «խելացի» երկիր եւ այս առումով ավելի մեծ ուշադրություն ենք դարձնում Հայաստանի վրա այն բանի համար, որ Եվրոպայում շատ մեծ հայկական սփյուռք կա։ Ինչպես նաեւ սա շատ կարեւոր հանգամանք է ֆրանկոֆոնիայի ֆորումը կազմակերպելու մեջ»,-նշեց դեսպանը։
Ֆիլիպ Սուինեն նաեւ այն կարծիքին է, որ Հայաստանի եւ Եվրամիության երկրների միջեւ տնտեսական կապերը կարող են ազդել քաղաքականության վրա. «Այս իմաստով հետագայում Հայաստանը կարող է դեր խաղալ Ռուսաստանի հետ առեւտրական կապերը զարգացնելու նպատակով»։
Էլյա ՀՈՎՀԱՆՆԻՍՅԱՆ
