Ի պատասխան «Առավոտ» օրաթերթի ս.թ. նոյեմբերի 13-ի «Ներքին Շենգավիթ 2-րդ փողոցի կեսն են ասֆալտապատել» հրապարակման՝ «Երեւան Ջուր» ՓԲԸ-ն հարկ է համարում ներկայացնել հետեւյալ պարզաբանումը:
Իրոք, Շենգավիթ վարչական շրջանում՝ ընդհանրապես, իսկ Ներքին Շենգավիթ թաղամասում՝ մասնավորապես ջրամատակարարման բաշխիչ ցանցի արդիականացման անհրաժեշտություն կա: Այդ ուղղությամբ տարվող աշխատանքները շարունակական բնույթ են կրում եւ տարեցտարի ընդլայնվում են: Այսպես, վերջին ամիսներին վերակառուցվեցին ջրագծերը, իսկ ջրաչափերը վերատեղադրվեցին փողոցային դիտահորերում, օրինակ՝ Մանթաշյան, Շեւչենկո, Վերին Շենգավիթ 11-րդ եւ մի քանի այլ փողոցներում: Սակայն Ներքին Շենգավիթի 2-րդ փողոցում մեր կողմից ընթացիկ տարում որեւէ աշխատանք չի կատարվել: Ավելին, այս պահի դրությամբ 2015թ. համար նույնպես ջրաշինարարության ծրագիր նախատեսված չէ: Հետեւաբար նշված փողոցի ասֆալտապատման խնդիրը պայմանավորել ջրաշինարարական աշխատանքներ կատարելու անհրաժեշտությամբ, կարծում ենք՝ կոռեկտ չէ:
«Երեւան Ջուր» ՓԲԸ
Հանրային կապերի
ծառայություն
«Առավոտ» օրաթերթ
19.11.2014
