«Դինամո» մարզադահլիճում այսօր մեկնարկած Վաչիկ Մկրտչյանի հուշամրցաշարի առաջին մենամարտերին շատերի համար անսպասելի մարզադահլիճ մտավ գրոսմայստեր Լեւոն Արոնյանի ընկերուհին` Արիանա Քաոլին:
Բնականաբար, կազմակերպիչները գեղեցկուհուն տեղ հատկացրին ու Արիանան սկսեց ուշադրությամբ հետեւել մենամարտերին: Առիթից օգտվելով` Aravot.am-ը զրուցեց նրա հետ:
– Արիանա, դժվար է պատկերացնել, որ դուք հետաքրքրվում եք բռնցքամարտով:
– Ես վեց տարի բռնցքամարտով եմ պարապել: Բռնցքամարտը շախմատի հետ միասին իմ ամենասիրած մարզաձեւն է: Բռնցքամարտը ուժ է տալիս, շախմատը` մտածողություն: Բռնցքամարտը սովորեցնում է արագ շարժվել, շախմատը` արագ մտածել: Այս առումով շախմատն ու բռնցքամարտը ընդհանրություններ ունեն:
Կարդացեք նաև
– Երբեմն ցանկություն լինո՞ւմ է ռինգ մտնել:
– Վերջին շրջանում նոր մարզաձեւ է ստեղծվել «Chess-Box»: Մտածում եմ` Հայաստանում էլ դա հնարավոր է կազմակերպել: Ցանկանում եմ, որ առաջինը ես լինեմ: Դրա համար էլ այսօր այստեղ եմ:
Աշոտ ՀԱԿՈԲՅԱՆ
