Այս տարվա օգոստոսի 4-ին ՀՀ վարչապետ Հովիկ Աբրահամյանն այցելել էր Բերդի տարածաշրջանի սահմանամերձ Չինարի, Արծվաբերդ եւ Այգեձոր համայնքներ: Հ. Աբրահամյանը Չինարի համայնքի ղեկավարին հանձնարարել էր ներկայացնել համայնքի ուսանողների ցանկը` նրանց ուսման վարձը կառավարության կողմից փոխհատուցելու նպատակով:
Չինարի համայնքի ղեկավար Սամվել Սաղոյանին հարցրինք, թե իրենց գյուղից Հայաստանի բուհերում քանի՞ ուսանող կա եւ նրանց ուսման վարձերը փոխհատուցվե՞լ են: Գյուղապետն ասաց, որ Չինարիից հանրապետության բուհերում 26 ուսանող կա, որոնց ուսման վարձերը զեղչվել են 30 տոկոսով:
Սաղոյանը հայտնեց, որ այդ 30 տոկոս զեղչը կիրառվում է սահմանամերձի կարգավիճակ ունեցող բոլոր համայնքների ուսանողների համար: Նրա խոսքերով` նշված զեղչը չի վերաբերում միայն առաջին կուրսի առաջին կիսամյակում սովորողներին:
Ոսկան ՍԱՐԳՍՅԱՆ
