89 կողմ, 5 դեմ և 4 ձեռնպահ ձայների հարաբերակցությամբ այսօր Ազգային ժողովը երկրորդ ընթերցմամբ ընդունեց «Շրջանառության հարկի մասին» օրենքի նախագծում լրացումներ կատարելու մասին օրենքի նախագիծը: Հիշեցնենք, որ օրինագծի համաձայն՝ անհրաժեշտ գույքագրման պահանջը հետաձգվում է մինչև 2015 թվականի փետրվարի մեկը:
67 կողմ, 7 դեմ և 25 ձեռնպահ ձայների հարաբերակցությամբ էլ Ազգային ժողովն առաջին ընթերցմամբ ընդունեց կառավարության ներկայացրած «Ժամանակավոր անաշխատունակության նպաստների մասին» ՀՀ օրենքում փոփոխություններ և լրացումներ կատարելու մասին օրինագիծը https://www.aravot.am/2014/11/18/516838/:
Ըստ այդմ՝ նախկին օրենքով նախատեսված նպաստը աշխատող հղիների համար մնացել է նույնը`հարյուր տոկոս: Նվազագույն աշխատավարձի 75 տոկոսի չափով նպաստ կստանան նաեւ չաշխատող հղիները: Մինչև մեկ միլիոն դրամ աշխատավարձ ստացող մայրերը հարյուր տոկոսով են ստանալու նպաստները, իսկ մեկ միլիոն դրամից ավելի ստացողների համար նախատեսվում է տարբերակված մոտեցում ցուցաբերել, նպաստի մի մասը նախատեսվում է թողնել գործատուի փոխհատուցմանը: Ի դեպ, մեկ միլիոն դրամից ավելի ստանում է 400 կին:
Նելլի ԳՐԻԳՈՐՅԱՆ
